مشروع الارانب فى ظل ارتفاع العلف وانخاض السعر والطلب

انا بس عايز حد يقلي ..

وهحسبها علي بسيط جدا جدا

10 أمهات .. لو كل أم بتاكل ب 20 جنيه شهريا يبقي ال 10 امهات بياكلو ب 200 شهريا

خلفتهم 5 * 10 أمهات = 50 أرنب صغير .. بعد 60 يوم هيكونو وصلو وزن 1.75 مرتاح

يبقي 1.75 * 50 أرنب = 87.5 كيلو لحم * 18 جنيه ( سعر الكيلو) = 1575

نطرح منهم 400 جنيه اللي هو اكل الامهات فشهرين لحد ما وصل الفطام شهرين يعني ونبيعهم

ونطرح منهم تمن أكل الفطام حوالي 360 جنيه لحد ما وصلو للوزن دا

يعني 1575 - ( 400+360) = 815 جنيه

يعني صافي الربح 800 جنيه كل دورة بيع اللي هي بتكون كل شهر

يعني لو قلنا مزرعة 100 أم .. هتطلع 8000 جنيه شهريا مرتاح

ودا ونا حاسب العلف بأعلي سعر وسعر اللحم الي هيتباع بأرخص سعر وعدد الخلفة 5 ارانب


والله أعلم .. واللي شايفني زودت حاجة أو نقصت حاجة يقلي عشان أعمل حسابها

الاخ محمود
اعذرني اذا قولت ان كلامك متفائل شويه وهناك خطأ في حساباتك ومنها
اولا : مصاريف اكل الفطام عدد 50 * استهلاك 200 جرام * مده 30 يوم * سعر الكيلو 2.75 = 825جنيه وليس 360 جنيه كما حسبتها ..
ثانيا : بالنسبة للامهات لو انت هتستني عليها بالعشار الي مابعد الفطام هتحسب اكلها لمده شهرين كما حضرتك ذكرت وهي عدد 10 امهات * 20 جنيه اعلاف * 2شهر = 400 جنيه .
ثالثا : البيع كما ذكرت 50 ارنب * 1.75 كجم * 18 جنيه للكيلو = 1575 جنيه
وبذلك يصبح الربح 1575 - ( 400+825 ) = 350 جنيه للشهرين وليس للشهر الواحد .

اما في حالة اذا قمت بعشار الارانب بعد الولاده مباشرة فيكون الربح محسوبا علي شهر واحد ..

وفي حالة تربية 100 ام فهناك مصاريف حضرتك تجاهلتها وهي الادوية والكهربا وباقي المصروفات النثرية ...

ومن كلام اصحاب مزارع موثوق فيهم ان متوسط مكسب الام في السنة بحدود 300 جنيه بعد احتساب كافة المصروفات يعني ال 100 في السنة تعمل 30.000 وفي الشهر الواحد بتعمل 2500 جنيه صافي ربح
و الله اعلم ... وطبعا وبدون شك ان الارزاق بيد الله سبحانه وتعالي

الفطام مبياكلوش 200 جرام يوميا .. دا ف أول اسبوع 50 جرام ويمكن أقل .. وبعد كدا بتزيد تدريجيا لحد ما بيوصلو الأرنب الواحد ل 140 جم ودا أخر حاجة ممكن ياكلها ففترة التسمين .. عن نفسي بعمل كدا والحمد لله ببيعهم علي الوزن 2 الا ربع كيلو

ونا بالفعل بقوم بتعشير الارنب ب عد الولادة ب 5 ايام او 4

اشرف عماره كتب:

الاخوه المحترمين
لمن يريد عمل مزرعه كبيره تحياتى
انا واحد من اعضاء المنتدى وكنت مربى ارانب فى بيتى من2007كان مزرعه صغيره 40ام
وكانت ممتازه لانى باشتغل بنفسى وفى بيتى ولا ايجار ولا عماله وانا المهتم والمتابع والدخل كان ممتاز ابيع بعشره اصرف خمسه وادخر خمسه يعنى مصروفات العلف والعلاج النص والربح النص
حبيت ابدء من جديد اجرت عنبر 500 متر وعملت مزرعه نموزجيه فعلا
من شهر8|2011 والى الان ما يحدث انى مش ملاحق على مصاريف العلف والادويه والعماله يعنى باختصار انا موظف لمصنع العلف ويادوب اقدر ادفع مرتبات وممكن مابيكفيش
الخلاصه ونصيحه امينه لمن يريد التجربه
اذا كان فى ملكك وانت الوحيد ال هاتتابع والعدد لايتجاوز 50 ام انت كسبان
تطمع وتحاول تتهور زيى هاتتبهدل

بكل اسف كلامك صحيح