فى حالات الحمل البشرى ينصح الطبيب دائما بالمشى فى الشهر التاسع على الاقل ساعه فى اليوم عشان يسهل فى الولاده
انا استخدمت نفس الطريقه مع الارانب
إزاااااااااااى
اول حاجه نكون مسجلين معاد التلقيح وتاريخ الولاده المتوقع بدقه
معروف ان معظم الارانب تلد ليلا او فى اوقات الفجر من اليوم الـ 30 من العشر ولكن فى ساعات ارانب تتعسر فى الولاده والله اعلم لحد امتى .... فى بعض المربيين بيستعجل وبيعطى اوكسى توسين ... انا معاك ان الاوكسى توسين تمام وبيعمل انقباضات فى الرحم والارانب بتولد منه فى 10 دقائق وكمان بيزود إدرار اللبن .... بس زى ماهو ليه مميزات ليه عيوب ومن اهم عيوبه انه احيانا يؤدى الى انقلاب الرحم ....
والحل إيه ؟؟؟؟
((( المشــــــــى )))
هنعمل الطريقه دى فى نهار اليوم الـ 31 من العشر .... هنزل الارنبه اللى فوتت الولاده على الارض لمده ساعه ....ومش هنكتر عن ساعه عشان منفصلهاش عن جو الولاده .... وهنزل معاها ذكر بس تخلى بالك ان الذكر لايتمكن منها .... مجرد بس انه يجرى وراها شويه دون تلقيح .... وانتظر التنائج فى اليوم التالى صباحا .... بس خلى بالك لو ماولدتش هتنزلها ساعه تانيه تانى يوم وهكذا
الطريقه دى انا مجربها مع امهات لم تلد عندى نهائيا قبل اليوم الـ 35 وبحقنه اوكسى توسين كمان ولكن انا استعملت معاهم طريقه المشى دى فى اخر 5 ايام من العشر وكنت بنزلهم كلهم على الارض مع بعض وكانوا بيجروا ورا بعض ويلعبوا مع بعض والحمد لله 5 من اصل 7 ارانب ولاول مره يلدوا فى معادهم بدون حقن والـ 2 اللى اتأخروا ولدوا فى اليوم 33 وايضا بدون حقن
وبالتوفيق للجميع بإذن الله
